Kongresi Studentor është një nismë e Qëndresës Qytetare në partneritet me Bordin Kombëtar Studentor dhe Elsa Albania, e mbështetur nga Olof Palme Center.
Në këtë event kombëtar studentët nga i gjithë vendi tregojnë maturinë e tyre, forcojnë zërin dhe marrin persipër të shndërrohen në kontributorë të sistemit arsimor, duke vlerësuar arsimin si një nga shtyllat më të rëndësishme të zhvillimit dhe mirëqënies sociale. Sfida kryesore e kësaj nisme është fuqizimi i rolit të studentit në jetën universitare dhe publike të vendit.
Në fokus të Kongresit Studentor janë çështjet e të drejtave dhe shërbimeve studentore, etika dhe integriteti akademik, transaprenca, politikat dhe strategjitë për arsimin.
Produkti kryesor i Kongresit Studentor është ndërtimi i një “Agjende Kombëtare” me fokus përmirësimin e jetës studentore dhe rritjen se cilësisë në arsim. Në funksion të këtij qëllimi Kongresit Studentor do të zgjedhë nëpërmjet të deleguarve të vet një strukturë përfaqësimi, e emërtuar ‘Komisioni i Kongresit Studentor’, e cila e përfaqëson në institucionet më të larta të vendit.
